‘Tagumpay mula sa kawalan’

Ni Noel Abuel

“Maliban sa sinisiguro naming na malinis ang mga karne, isda at mga gulay ay pinagbubutihan namin ang pagluluto upang mapasarap ang pagkain,” ayon pa rito.

Bunsod ng paglaki ng sinimulang negosyo nito ay umupa ng isa pang lugar si Aling Ellen na ginawa nitong ektensyon ng karinderya na pagsapit naman ng gabi ay nagsisilbi ring videoke bar ng karamihan na pawang mga empleyado rin.

Sa maikling panahon na naging puhunan nito ang sipag at tiyaga ay hindi na nararamdaman ni Aling Ellen ang kahirapan sa kabila ng binabayarang upa sa karinderya at bahay na P21,000 sa isang buwan dahilan sa sapat na kita nito sa negosyo.

Sa edad na 43-anyos ay ramdam na ni Aling Ellen ang tamis ng tagumpay nito sa pagnenegosyo kung saan sinabi pa nito sa Abante na hindi pa pumapasok sa isip nito na tumigil sa pagne­negosyo.

Hindi naman nakakalimot sa Diyos ni Aling Ellen kung saan maliban sa pananalangin ay nagawa nitong ibalik ang grasya sa kalangitan sa pamamagitan ng pamamahagi ng biyaya.

Ilang kabataan mula sa mga lalawigan ng Pangasinan at Ilocos region ang kinupkop nito at binigyan ng trabaho na nagbigay ng malaking tulong sa mga ito para mabuhay ng maayos.

Wala na ngang mahihiling pa sa buhay ni Aling Ellen sa dinaranas nitong tagumpay sa sarili kung saan makailang beses nang pumasok sa isip nito na mangibang bansa para makapagbakasyon at bigyan ang sarili ng oras.

Naniniwala ito na hindi dapat umasa sa pamahalaan ang sinuman para umunlad sa sarili kung saan ang pagtitiyaga at sipag ang ta­nging puhunan upang maging matagumpay sa sarili.